The Creator Studio

لا الكورس بجد قيمة محترمة و عملية و كلام كبير بيتقال بطريقة بسيطة تخلي المستخدم العادي يفهم بسرعة حاجات technical والميزة النهاردة بالاخص أن الموضوع كان تطبيق واحنا شايفين الموبايل و شايفين ال full setup في نفس الوقت فكانت فكرة رايقة و وصلت تفاصيل كتير الطبيعي أنها كانت ما توصلش الا اوف لاين فإنك وصلتها اون لاين دا شيء ممتاز جدا و عبقري ممتن للتجربة كا متدرب أو متلقي و فخور بيك يا صديقي بجد ❤️❤️💪🏻💪🏻💪🏻

حابة أشكرك جدا يا عمر على الكورس، بجد كان مفيد جدا واستفدت منه كتير. في الأول كنت فاكرة إن الموضوع سهل وإنه مجرد أبلكيشن أي حد يقدر يستخدمه وخلاص، لكن مع الشرح فهمت إن كل أداة وكل تأثير وراهم تفاصيل محتاجة فهم وتوضيح. كمان الكورس كان مفيد جدا في موضوع تصوير الريلز، وتكوين الصورة والفيديو، وإزاي نطلع شغل شكله متظبط واحترافي. اتعلمنا حاجات كتير وطرق مختلفة للإيديت، وإزاي فعلا نطلع فيديو بشكل كويس طريقتك في الشرح كانت واضحة وبسيطة، وباين جدا إنك بتبذل مجهود علشان المعلومة توصل صح وسهلة. أنا دايما كنت بتمنى أعرف أعمل فيديوهات حلوة وسعيدة إني دلوقتي بقي عندي الأساس اللي يساعدني أعمل كده إن شاء الله بفضل ربنا وبفضل الكورس. وشكر خاص كمان على صبرك على كل الأسئلة، سواء كانت بسيطة أو معقدة، وردك عليها دايما بذوق واهتمام. لو فيه كورس جديد محتاجه له وانت هتقدمه احب جدا احضره اكيد هتعلم حاجة جديدة زي ما اتعلمت من الكورس ده ارشح الكورس وبشدة وبدأت بالفعل وانا أثناء الكورس اي فيديو بعمله باخد راي اصحابي فيه واحكي لهم قد ايه الكورس فرق معايا وهم نفسهم حسوا بالفرق ده جدا وكل تطور شافوه في الفيديوهات قالوا انه فعلا باين الفرق ارشح لاي حد عاوز يبدأ يصور بنفسه سواء للبراند بتاعه او هيعمل محتوى لنفسه او حتى ناوي يكون هو مصور ريلز متأكده انه بداية ممتازة ويقدر يعتمد علي معلومات الكورس انه خارج منه يعمل شغل بعده فلوس الكورس تعتبر استثمار حقيقي لتطوير مهارة وفرصة عمل جديدة

بخصوص الفيد باك الصراحة الكورس افضل من ما توقعت لان كنت متردد اخد كورس تصوير اونلاين لانه بيحتاج شغل عملي لكن فعلا انا مع عمر اولا وسع ادراكي لتكوين الصور وازاي اقدر احللها اتعلمت اساسيات التصوير والاضاءة والايديت وازاي اقدر اوظفهم بشكل عملي ده وطبعا التغير اللي ظهر في تصويري في اقل من شهر

مساء الخير يا عمر، يا رب تكون بخير. لدي رسالة بخصوص رأيي في كورس Mobile Reel Production – Round One، وحابب أقسم كلامي لثلاث أجزاء: أولا: على المستوى الشخصي أنا اتشرفت جدا بمعرفتك أنت والفريق اللي كان معانا في المحاضرات. الكل كان متعاون. وبصراحة، الشرح كان ممتع جدا. كان عندي في البداية نوع من التخوف: إزاي ممكن حد يشرح عملي أونلاين موضوع زي عمل الريلز، خصوصا في عرض الـ settings وتوضيح الخطوات؟ لكن استخدامك للـ Apple ecosystem خلى الصورة واضحة جدا. كنا بنشوف التطبيق عملي على الموبايل ونطبق معاك خطوة بخطوة، وده كان فارق كبير وقيمة حقيقية. ورغم إن المحاضرات كانت مدتها طويلة، لكنها كانت خفيفة على القلب، والواحد كان قادر يكمل ويركز بدون ملل، وأكيد أنا سعيد جدا بمعرفتك على المستوى الشخصي. ثانيا: على المستوى المهني: الكورس نفسه بالنسبة لي كشخص ما عندوش أي خبرة سابقة في المجال، الكورس كان جديد ومبهر في أجزاء كتير. حتى لما المحاضرات كانت بتمتد لأكثر من 4 ساعات، ما كانش عندي مشكلة، لأني شايف قد إيه حجم المعلومات كان تقيل ومثمر ويستحق المجهود. وبصراحة، أنت ما بخلتش علينا بأي معلومة. كنت بتشرح مرة واتنين وثلاثة لحد ما الفكرة توصل، وده مجهود واضح ومقدرينه جدا. ثالثا: التوصية بكل وضوح، الكورس ده مناسب جدا لأي حد حابب يدخل مجال الـ Content Creation، أو حتى يفهم المجال بيتدار وبيتخطط له إزاي. عن تجربة شخصية: Highly recommended. شكرا ليك يا عمر، وبالتوفيق دائما ❤️

من أحسن الكورسات اللي اخذتها في حياتي... وحرفيا اول مرة اكتشف مهارة جديده كليا ممكن تكون مصدر دخل قوي جدا باذن الله 🌸 بجد احنا لسه يادوب مخلصين تاني محاضرة والواحد حاسس نفسه كأنه اتحول لمدير تصوير 😅🤭 شابوه عالكورس التحفه ده بجد

المحتوي مفيد حقيقي و اكتر سيشن حبيتها و استفدت منها بالنسبالي كانت بتاعة الاضاءة و الزوايا حقيقي ربنا يجازيك خير علي تعبك معانا و وقتك و مجهودك و عدم مللك ف تكرار المعلومة ، و بجد انا استفدت و فعلا لما طبقت توجيهاتك ف اللي كنت بعمله فرق كتير ف انه الڤيديو يبقي احسن و يبين فعلا الحاجة اللي عايزة اوجهه الناس ليها ف الڤيديو ، كنت مفكرة ف الاول ان الكورس عشان اونلاين مش هستفاد منه اوي بس حقيقي انت غيرت فكرتي عن النقطة دي و بجد شكرا 🤍